Әдістемелік бірлестіктер жайлы мәлімет

     Өскемен қаласы химия-биология бағытындағы Назарбаев Зияткерлік мектебінің қазақ тілі мен әдебиет бірлестігі мектеп құрылғаннан бері жұмыс істеп келеді. Бірлестік жұмысы кіріктірілген оқу бағдарламасын жүзеге асыруға бағытталған. Бірлестік құрамында 8 мұғалім бар.
     «Қазақ тілі мен әдебиеті» пәні оқушылардың бойында рухани-адамгершілік құндылықтарын, үлкендерді құрметтеу, сүйіспеншілік, достық, адалдық пен төзімділік қасиеттерін қалыптастыруда ерекше рөл атқарады.
     Қазақ тілі мен әдебиет бірлестігі жұмысындағы негізгі басымдық әр оқушының бейімділігі, қызығушылығы мен мүмкіндіктеріне сәйкес қажеттіліктерін қанағаттандыратын бірлескен оқыту ортасын құру болып табылады.
     Бірлестік мүшелері ДББҰ өткізетін курстарды, семинарларды және тренингтерді жүргізу арқылы өздерінің кәсіби құзыреттіліктерін арттыра отырып, критериалды бағалау технологиясын, сыни тұрғыдан ойлауды меңгерту, дарынды балалардың қабілеттерін дамытуда белсенді жұмыс жүргізеді.
     Қазақ тілі мен әдебиет бірлестігінің мүшелері оқушылардың интеллектуалдық әлеуетін жетілдіру мақсатында түрлі олимпиадалар мен байқауларға, ғылыми-зерттеу жобаларына қатыстырып, сапалы дайындық жұмыстарын жүргізуде.
     Қазақ тілі мен әдебиеті мұғалімдері өздерінің озық кәсіби тәжірибелерін үнемі таратып, қауымдастықта әріптестерімен бөлісіп отырады: Ахметкалиева Г.К. – мониторинг және 6-сыныпқа арналған тест тапсырмаларын құрастырушы, Махатпаева А.Т. – Lesson Stady үйлестірушісі, Мукатаева Г.К . – Назарбаев Зияткерлік мектептеріне арналған кіріктірілген оқу бағдарламасы мен жалпы білім беретін мектептер үшін жаңартылған мазмұндағы оқу бағдарламасын құрастырушы, қазақ тілі мен әдебиет пәні бойынша 5-7-сынып оқулығының авторы. Тұрғанбаев Қ.Е., Рашиева Н.З., Мукатаева Г.К., Ахметкалиева Г.К. – Назарбаев Зияткерлік мектептерінің 10-12- сыныптары бойынша СЖБ емтихан жұмыстарын тексеру тобының мүшелері.
     Бірлестік мүшелері озық іс – тәжірибелерін тарату бағытында республикалық, облыстық, қала мектептері деңгейінде ашық сабақтар, семинарлар мен коучингтерді жүйелі өткізіп отырады.
Шығыс Қазақстан облысының жалпы білім беру мектептерінің мұғалімдеріне жаңартылған бағдарламаны насихаттау мақсатында «Педагогикалық десант» арқылы әдістемелік көмек көрсетіп, тәжірибе алмасуда. Бірлестік мүшелері Г.К. Ахметкалиева, З. Ожанова, Қ.Е. Тұрғанбаев, Н.З. Рашиева, Г.К. Мукатаева Катон-Қарағай, Тарбағатай, Күршім, Алтай, Қалбатау, Ұлан аудандарының мұғалімдеріне жаңартылған мазмұндағы білім беру бағдарламасының ерекшелігі мен жаңашылдығын түсіндіріп, шеберлік-сабақтарын өткізді.
     Бірлестік мұғалімдері қазақ тілі мен әдебиеті пәндері арқылы заманауи білім беру талаптарына сай бәсекеге қабілетті, дарынды оқушыларды тәрбиелей отырып, олардың бойындағы коммуникативтік, ұлтжандылық, академиялық адалдық қасиеттерін жетілдіруде.

     Химия ӘБ мұғалімдері Өскемен қ. химия – биология бағытындағы Назарбаев Зияткерлік мектебі ашылуының алғашқы күнінен бастап жұмыс істейді. Химия әдістемелік бірлестігін Сагиева Назым Нурсыдыковна басқарып келеді.
     Әдістемелік бірлестіктің 2019-2020 жылғы негізгі басымдықтары NIS-Programm оқу бағдарламасын сапалы игеруде жоғары нәтиже көрсету, оқу үрдісінде саралап оқыту әдістерін қолдану арқылы оқушылардың көшбасшылық қабілеттерін дамыту, оқу жетістіктерін бағалауда, оқу мақсаттарын игеруде ЦОР құрал жабдықтарын қолдану және мұғалімдердің кәсіби деңгейлерін көтеру.
     Бүгінгі таңда әдістемелік бірлестікте 11 мұғалім: 4 мұғалім- эксперт, 2 мұғалім – модератор, 4 мұғалім және 1 мұғалім – стажер, 4 лаборант жұмыс істейді. Оқу ісінің үздіктері: Адиканова Зейнегуль Коксегеновна, Кудербаева Гульжанар Фазыловна , Гаджиева Галина Николаевна, ҚР Білім және Ғылым министрінің грамотасымен: Шаматова Гаухар Жанибековна, Овчинникова Ольга Анатольевна, ҚР Білім және Ғылым министрінің алғыс хатымен Абишева Жанар Семейхановна марапатталған.
     Бірлестік мұғалімдері онлайн курстар, әртүрлі семинарлар және конкурстар мен олимпиадаларға қатысу арқылы үзбей кәсіби білімдерін көтеріп отырады. Бір мұғалім Сагиева Назым Нурсыдыковна «Болашақ» бағдарламасы бойынша Финляндия университетінде білім жетілдіру курсында оқып келген. ӘБ – тің барлық мұғалімдері алған білімдері мен іс –тәжірибелерін ашық сабақтар, семинарлар және онлайн сабақтар мен шеберлік сыныптары арқылы еліміздің орта мектеп мұғалімдеріне таратып келеді.

     Тарих және өзін-өзі тану әдістемелік бірлестігінің құрамына “Дүниежүзі тарихы”, “Қазақстан тарихы”, “Қазіргі әлемдегі Қазақстан”, “Өзін-өзі тану” пәндерін оқытатын 8 мұғалім кіреді. Бірлестіктің басты мақсаты-пәндерді оқыту, оқушылардың бойында гуманистік құндылықтарды, патриотизм мен жаһандық азаматтық қалыптастыру.
     Жұмыстағы негізгі басымдықтар-сапалы оқыту арқылы оқушылардың білім сапасын арттыру, ұғымдық ойлауды дамыту және тұжырымдамалық оқыту негізінде пәнаралық байланыстарды жүзеге асыру, NIS Program іске асыруды қолдау үшін үштілді ортаны жақсарту. ӘБ мұғалімдері жас ұрпақты тәрбиелеу мен білім беру ісіне, еліміздің зияткерлік болашағына өз үлестерін қосуда. Оқушылардың зерттеу мәдениетін қалыптастыру бойынша тиімді жұмыс жүргізілуде. Зерттеу жұмысын ұйымдастыру оқушылардың шығармашылық ойлауын қалыптастыруға, нақты шешім қабылдауда дербестігін тәрбиелеуге, ынтымақтастық дағдыларын дамытуға, өзара көмек көрсетуге және зерттеу мәселелерін ұжымдық шешу процесінде қолдау көрсетуге ықпал етеді.
     Осы жұмыстың нәтижесі сырттай бағалау емтихандарындағы оқушылардың жұмыстарының жоғары сапасы болып табылады (Р.А. Имашпаев, Т.С.Абилькасенов, Ж.М.Манатбеков). Дарынды және талантты балалармен жұмыс тиімді құрылған, оның нәтижелілігінің көрсеткіші күндізгі байқаулар мен түрлі деңгейдегі олимпиадаларда жоғары жетістіктер болып табылады – Жас тарихшылардың “Менің кіші Отаным” республикалық интеллектуалдық конкурсы, 1-7 сынып оқушылары арасында зерттеу жобалары мен шығармашылық жұмыстарының “Зерде”, Республикалық конкурсы жалпы білім беретін пәндер бойынша республикалық ғылыми жобалар конкурсы (М.С.Даулетханова, дүниежүзілік тарих мұғалімі), Жалпы білім беретін пәндер бойынша республикалық олимпиаданың желілік кезеңі (Ж.М.Манатбеков, Қазақстан тарихы мұғалімі).
     ӘБ барлық мүшелері Назарбаев Зияткерлік мектептерінің тәжірибесін трансляциялауға белсенді қатысады – қаланың және облыстың жалпы білім беретін мектептерінің мұғалімдері үшін ашық сабақтар, семинарлар, тренингтер, мастер-кластар өткізіледі. Тарих мұғалімдері А.С.Ибраимова, Г.А.Зейноллаева. тәжірибені тарату бойынша көшпелі іс-шараларға қатысушылар болып табылады, “Ауыл мектебі” жобасы аясында мұғалімдерге арналған оқыту семинарларын ұйымдастырады.
М.М.Григорян білім беру үздігі, М.С.Даулетханова ҚР Білім және ғылым министрлігінің Құрмет грамотасымен, Т.С.Абилькасенов “Назарбаев Зияткерлік мектептері “ДББҰ алғыс хатымен марапатталды.

     Физика пәні мұғалімдерінің ӘБ Өскемен қаласындағы химиялық-биологиялық бағытындағы Назарбаев Зияткерлік мектебінің алғашқы күндерінен бастап жұмыс істейді. 2018 жылдың қыркүйегінен бастап физика пәні мұғалімдерінің әдістемелік бірлестігін Қамбаров Еділжан Ержанұлы басқарады.
     Физика кафедрасында барлығы 12 мұғалім жұмыс істейді, олар жас ұрпақты тәрбиелеу және оқыту, елдің зияткерлік болашағын қалыптастыруға үлес қосады. 2018-2019 оқу жылында 12 сынып түлектері еліміздің Назарбаев зияткерлік мектептері түлектері арасында қорытынды емтиханда үлгілі нәтижелер көрсетті. Түсіпжанов Айдын Елеусізұлына Қазақстан Республикасы Білім және ғылым министрлігінің алғыс хатына ие болды.
     Мұғалімдер әр түрлі семинарларда, курстарда, интернет-курстарда тренингтер өткізу арқылы өз біліктіліктерін арттыру үшін үнемі жұмыс жасайды. Төлеужанов Қайырхан Төлеужанұлы және Жумагазинова Назерке Тоқтаубайқызы CLIL және Action Research бойынша Ұлыбританияда оқуынан өтті. Мұғалімдер алған білімдерін кәсіби қызметінде сәтті қолданады, сонымен қатар тәжірибелерін семинарлар, ашық сабақтар арқылы таратады.
     Кафедра оқушылары желілік олимпиадалар мен республикалық байқауларда жүлделі орындардың иегерлері атанып жүр.

     Әдістемелік бірлестіктің құрамына шығармашыл, белсенді, өз пәнін сүйетін 8 мұғалім кіреді, оның ішінде 5 сарапшы және 3 модератор бар.
Әдістемелік бірлестік жұмысының негізгі басымдықтары: сапалы оқыту арқылы оқушылардың білім сапасын арттыру, концептуалды ойлауды дамыту және тұжырымдамалық оқытуға негізделген пәнаралық байланысты жүзеге асыру.
     Кафедра оқытушыларының қатарында сертификатталған жаттықтырушылар бар: SITO жаттықтырушысы – Биярова С.Б., жаңартылған оқыту мазмұны бойынша жаттықтырушы – Доланбаева А.А., деңгейлік курстарды тиімді оқыту тренері – Жукокова Г.Ж., SITO тапсырмаларын құрастырушы – Кабенова А.М.
     Оқытушылар Lesson Study топтарын басқарады және кафедраның негізгі құрамы «Іс-әрекеттегі зерттеулермен» айналысады. Топтардың зерттеу тақырыптары Абдрахманова Ж.Б: «Тапсырмаларды саралау А, В, С студенттерінің зияткерлік қабілеттерін дамытуға ықпал ете ме?» (Орыс тілі, дене шынықтыру), Сайлаубекова Н.А. «Толық емес мәтіндерді қолдану арқылы оқушылардың сөйлеу шеберлігін дамыту мүмкін бе?» (Орыс тілі және математика), О.Д. Сүлейменова топтары «Терминдер мен жаңа лексика оқушылардың жазбаша тілінің дамуына әсер ете ме?» Биярова С.Б. – аймақтың оқытушылары – зерттеушілерінің желілік қоғамдастығын ұйымдастырушы және «Сабақты зерттеу» педагогикалық тәсілінің үйлестірушісі.
     Мұғалімдер бағдарлама мен концептуалды оқу жобасын іске асыру аясында кіріктірілген сабақтарды өткізу дәстүрін жалғастырады: орыс тілі мен биология пәнінен кіріктірілген сабақтар (Имашпаева Г.А., Доланбаева А.А.). Осы тәжірибе аясында орыс тілі мен әдебиеті мұғалімдері басқа пәндердің (музыка, тарих, биология, химия, физика) оқытушыларымен бірлесіп бағдарлама тақырыптары бойынша сабақтарға дайындық, ресурстарды іздеу және таңдау бойынша жұмыс жасайды.
     Кафедра оқытушылары өздерінің тәжірибелерін оқу материалдарын әзірлеу және тарату, онлайн сабақтар мен семинарлар өткізу, коучинг, қала және облыс мұғалімдеріне шеберлік сабақтарын өткізу, студенттерді олимпиадалар мен жарыстарға дайындау арқылы таратады.
     2020 жылы қаңтарда Шымкент қаласында өткен желілік олимпиадада 10-сынып оқушысы Карина Халел 1-орын алды, жетекшісі – О.С.Сүлейменова.

     Әдістемелік бірлестік жетекшісі-Сайлаубекова Насихат Айтмухаметовна. 

     Назарбаев Зияткерлік мектептерінің стратегиялық мақсаты: «Қазақстан Республикасының зияткер элитасын оқыту мен тәрбиелеу» болып табылады. Міне осы мақсатқа жету жолында бәсекеге қабілетті, төзімділік пен адалдық, достық пен көшбасшылық қасиеттерін бойына сіңірген, салауатты өмір салтын ұстанатын дені сау, рухы биік ұрпақтарды тәрбиелеу дене тәрбиесі мұғалімдерінің басты міндеті.
     Дене тәрбиесі бірлестігі жұмысындағы негізгі мақсат әр оқушының денсаулығын нығайту, дене тәрбиесі мен спорт саласы бойынша білім беру, оқушылар арасында салауатты өмір салтын қалыпстастыру болып табылады. Бірлестік мүшелері осы мақсат негізінде үнемі ізденіс жасауда. Әртүрлі курс, семинар, коучингтарда өздерінің кәсіби біліктіліктерін арттыра отырып оқушылардың спорттық қабілеттерін дамытуда белсенді жұмыс жүргізіп келеді. Қазіргі таңда мектепте футбол, волейбол, баскетбол, үстел теннисі, тоғызқұмалақ, велоспорт, фитнес үйірмелері жүргізіледі.      Оқушыларымыз қалалық, облыстық, желілік спартакиадаларға қатысып жүлделі орындардан көрініп жүр. Және де мектеп пен оқушылардың ата-аналары арасында тығыз қарым-қатынасты нығайту үшін жыл сайын командалық спорт түрлерінен ата-аналар арасында спартакиадалар өткізіледі.
     Дене тәрбиесі әдістемелік бірлестігі 2010 жылы Өскемен қаласы химия-биология бағытындағы Назарбаев Зияткерлік мектебі ашылғаннан бері жұмыс жасап келеді. Әдістемелік бірлестікте 7 дене тәрбиесі мұғалімдері және 1 алғашқы әскери дайындық пәні мұғалімі қызмет атқарады. Олардың ішінде 1-і мұғалім-эксперт, 3-і мұғалім – модератор, 3-і мұғалім, және 1 деңгейлі алғашқы әскери дайындық пәні мұғалімі. Дене тәрбиесі әдістемелік бірлестігін Ахметов Канат Сергейұлы басқарып келеді. Бірлестік мұғалімдері мол тәжірибелі, спортта да үлкен жетістікке жеткен өз ісінің шебер мамандары. Нетбаев А.Х. – тау шаңғысы бойынша спорт шеберіне үміткер, Даутбеков Б.Д. – волейбол спорты бойынша спорт шеберіне үміткер, Ахметов Қ.С. – пауэрлифтингтен спорт шеберіне үміткер, Орман К. – жеңіл атлетикадан спорт шеберіне үміткер. Және де Орман К. тоғызқұмалақ пен жеңіл атлетикадан біліктілігі жоғары бірінші санаттағы спорт төрешісі.
     Мұғалімдеріміз жыл сайын Шығыс Қазақстан облысының жалпы білім беру мектептерінің мұғалімдеріне жаңартылған білім беру бағдарламасын насихаттау мақсатында семинарлар мен шеберлік сабақтарын өткізіп әдістемелік көмек беріп келеді. Сонымен қатар, мұғалімдерміз қалалық және желілік жарыстарға қатысып, жүлделі орындардан көрініп, оқушыларға үлгі, әріптестеріне мақтаныш болып жүр.
     Алдағы уақытта дене тәрбиесі әдістемелік бірлестігі өз жұмыстарын одан да жандандыра түсіп, оқушыларымыздың ғылым мен білім жақтарынан жеткен жетістіктерімен қоса спортта да биік шыңдарды бағындырып, дені сау, жан-жақты жетілген тұлғаны тәрбиелеуге үлкен үлестер қоса алатындығына кәміл сенеміз.

    Шет тілдер әдістемелік бірлестігінде ағылшын, неміс, қытай тілдері, жаһандық перспективалар, жобалық жұмыс (GPPR) және экономика пәні бойынша біліктілігі жоғары мамандар қызмет етеді. Олардың барлығы соңғы жылдары деңгейлік біліктілікті арттыру курстарын сәтті аяқтады.
     Бірлестік мұғалімдері ішінде CTY, Teacher-Training, Microsoft Education, EDUSOFT білім беру, критериалды бағалау, мектеп ішілік бағалау, сыни және дизайнерлік ойлау бағыттары бойынша білімдерін жетілдіріп, сертификаттар алған тренерлар бар. Үш мұғалім Халықаралық мектептер Кеңесінің (CIS) бағалаушылары болып табылады.
     Шет тілдер әдістемелік бірлестігі әсіресе оқыту сапасы мен кәсіби өсуді басты назарда ұстайды. Мұғалімдер өздерінің кәсіби деңгейлерін әр түрлі біліктілікті арттыру курстарында үнемі жетілдіріп отырады. Мәселен: CELTA, TKT, CLIL, Орта және жоғары сыныптарда неміс тілін оқыту әдістемесі, Microsoft Education, критериалды бағалау, CTY, бағалау құралдарын әзірлеу және сараптау және тағы басқалар.
     Үш мұғалім «Болашақ» бағдарламасы бойынша Ұлыбританияда Магистратурада оқыса, бір мұғалім Нидерландыда тағлымдамадан өтті. Әдістемелік бірлестік мұғалімдері Назарбаев Университетінің және Қазақстан Республикасының басқа да жоғары оқу орындарының магистратурасын тәмамдаған.
     Ұжым мүшелері өз білімдері мен тәжірибелерін оқыту үдерісінде тиімді пайдаланудың нәтижесінде оқушылар халықаралық IELTS (жоғарғы 9.0 баллдан 7.0-8.0, жеке дағдылар бойынша 9.0 балл) және қытай тілінен HSK( 汉语水平考试) емтихандарында жоғары көрсеткіштерге жетуде. Сонымен қатар, ағылшын, неміс, қытай тілдері бойынша аймақтық, желілік, республикалық, халықаралық олимпиадалардан жүлделі орындарға ие болып, көптеген оқушылар аймақтық және халықаралық деңгейдегі MUN (БҰҰ моделі) конференцияларында белсенділік танытады.
     Әдістемелік бірлестіктің мұғалімдері жаңартылған оқыту жүйесі аясында облыстық жалпы білім беретін орта мектептерде және Назарбаев Зияткерлік мектептері желісінде үнемі өз тәжірибелерін таратумен қатар, аймақтық, республикалық, халықаралық конференцияларда ой бөлісіп, тәжірибе алмасады.
    Ұжым табысты еңбек етумен қатар, мектептің қоғамдық өміріне де белсенді ат салысады. Мәселен, төрт мұғалім бірнеше спорт түрлерінен НЗМ құрама командасының мүшесі. Сондай-ақ ұжым мүшелері еріктілер қозғалысы мен түрлі қайырымдылық шараларына да белсенді түрде қатысады.

     Әдістемелік бірлестіктің педагогикалық құрамы жоғары білікті ұстаздардан тұрады, олардың ішінде 1 – зерттеуші, 3 – сарапшы, 4 модератор, 4 – мұғалім, 1 – стажер.
    Әдістемелік бірлестіктің мұғалімдері үздік халықаралық және қазақстандық тәжірибені зерттеу және дамыту, педагогикалық тәжірибеге жаңа педагогикалық технологияларды енгізу арқылы өздерінің педагогикалық шеберліктерін үнемі жетілдіріп отырады.

    ӘБ жұмысы көптеген бағыттарда жүзеге асырылады:
• Зияткерлік мектеп базасында өткізілетін бетпе-бет семинарлар, шеберлік сыныптары, коучингтер, сонымен қатар онлайн трансляция арқылы қала, облыс, республика мұғалімдері үшін тәжірибе тарату;
• Ұлттық және халықаралық ғылыми-практикалық конференцияларға қатысу;
• биология және география саласындағы дарынды және талантты оқушылармен, соның ішінде халықаралық және республикалық конкурстар мен жобалар конкурстарының жеңімпаздарымен жұмыс;
• «Жас биологтар турнирі» қозғалысын ұйымдастыру және кеңінен насихаттау, бұл командалық интеллектуалдық ойын Өскемен қаласындағы Назарбаев Зияткерлік мектебін тек Қазақстанда ғана емес, сонымен қатар көршілес елдерде де көрсетуге мүмкіндік берді (НЗМ командасы аймақтық және бүкілресейлік турнирлерде сәтті өнер көрсетті). 2015 жылдан бастап Өскемен қаласының Зияткерлік мектебі жас биологтардың қалалық турнирін өткізіп келеді.
• мұғалімдер қала, облыс және республикадағы көптеген инновациялық жобаларға белсенді қатысады.

     “Технология және Дизайн” әдістемелік бірлестігінің құрамында 12 мұғалім бар, олардың 6 – информатика мұғалімі, 4 – өнер мұғалімі, 1 – робототехника зертханашысы және 1 шетелдік мұғалім. Әдістемелік бірлестіктің жетекшісі – Садыканова Орынгүл Орымқанқызы.
     ӘБ мақсаттары:
– оқушылардың компьютерлік ғылым мен шығармашылыққа қызығушылықтарын арттыру;
– оқушыларда ғаламдық азаматтық дағдыларын қалыптастыру;
– сабақтарда L2 және L3 меңгеруге көмек көрсету.
     ӘБ жұмысының негізгі басымдықтары информатика ғылымы мен өнерге танымдық қызығушылықты дамыту, оқушылардың ой-өрісін, шығармашылық қабілеттерін кеңейту, ақпараттық мәдениетті қалыптастыру болып табылады.
     Әдістемелік бірлестіктің мұғалімдері К.Б.Куранбаев, М. С.Кашкимбаев және О.О.Садыканова “Білім беру үздігі” төсбелгісімен марапатталған.
Өнер мұғалімі Қ.Н.Нұрсадықов ҚР Көркемөнер академиясының академигі, “Білім беру көшбасшысы” және “Бейнелеу пәнінің үздік педагогы” медальдарымен марапатталған.
Қ.Б.Құранбаев, Ө.Ш.Сүлейменов және А.Р.Даниярова оқулықтарды әзірлеуші авторлар тобының құрамында бар. NIS-Programme және орта мектептер үшін оқу бағдарламаларын, оқу жоспарларын әзірлеуші топ құрамына Қ.Б.Құранбаев, А.Р.Даниярова, О.О.Садыканова және
Б. Ж. Сапуанов кіреді.
     Әдістемелік бірлестік мұғалімдері ОӘК әзірлеу және тарату, онлайн сабақтар мен семинарлар, түрлі мастер-класстар өткізу арқылы өз тәжірибелерін таратады.
Жыл сайын информатика пәні мұғалімдері В.Ю.Шаповалов, Е.А.Тлеудин, А.М.Бектенова және Е.Найманқұмарұлы WRO, информатика пәнінен республикалық және халықаралық конкурстар мен олимпиадаларға жүлдегерлерді дайындайды.

     Өскемен қаласындағы химия-биология бағытындағы Назарбаев Зияткерлік мектебі ашылғаннан бері математика мұғалімдерінің ӘБ жұмыс жасап келеді. 2016 жылдың қыркүйегінен бастап ӘБ жетекшісі қызметін Тюлюбергенев Рустем Кабдыкарымович атқарса, 2019 жылдан Раисова Бакытгуль Токтасыновна басқарып келеді.

     2019-2020 оқу жылында әдістемелік бірлестік жұмысының басымдылық бағыттары: білім сапасын арттыру, NIS бағдарламаларын сапалы түрде жүзеге асыру арқылы мектеп құндылықтарын қалыптастыру, мектеп оқушыларының көшбасшылық қасиеттерін дамыту, оқу үдерісіне дифференциалдау тәсілдерін енгізу, педагогикалық кадрларды үздіксіз оқыту және біліктілігін арттыру.

     Қазіргі уақытта математика әдістемелік бірлестігінде 20 мұғалім жұмыс жасайды, олардың 5-і эксперт-мұғалім, 5-еуі модератор-мұғалім, 9-ы мұғалім және 1-і стажер-мұғалім. Оның 2-і Phd докторлары: Тюлюбергенев Рустем Кабдыкарымович және Нуризинов Марат Кабидолдинович, Уркимбаева Галия Абеновна – ҚР білім және ғылым министрлігінің құрмет грамотасының иегері, Слонова Ольга Николаевна ҚР білім және ғылым министрлігінің алғыс хатына ие болды.

     Мұғалімдер түрлі семинарларда, курстарда, онлайн курстарда оқу арқылы өздерінің кәсіби шеберлігін жетілдіру үшін үнемі жұмыс жасауда. Акиева Айжан Бейсембиевна «Болашақ» бағдарламасы бойынша Финляндия және Ұлыбритания университеттерінде тәжірибеден өтті. Мұғалімдер кәсіби біліктіліктерін арттыра отырып, өз білімдерін оқу үдерісінде жақсы пайдалана алады, сондай-ақ семинарлар, шебер-сыныптар, ашық сабақтар арқылы өз іс-тәжірибелерін таратады.