Білім – сарқылмас қазына

Павлодар қаласындағы NIS ұстаздары Екібастұздағы Абай Құнанбаев атындағы орта мектебінде «Ауылдық жерлердегі тірек мектептер әлеуетін дамыту» жобасы аясында тәжірибе алмасу өткізді.

    Кездесуде мұғалімдер оқушылардың танымдық, шығармашылық және зерттеушілік дағдыларын дамыту бойынша табысты тәжірибелерімен бөлісті. Пән мұғалімдеріне математикалық, компьютерлік, жаратылыстану және оқу сауаттылығын дамыту жөнінде ұсыныстар берілді.

     Назарбаев Зияткерлік мектебінің ұстаздары семинарда зертханалық құралдарды қолдануды көрсетіп, күрделі тақырыптарды оқыту әдістемесін қарастырды.