Көкшетаудағы NIS-те жас педагогтарға арналған аймақтық слет өтті

Көкшетаудағы NIS-те Ақмола облысының жас педагогтарына арналған «Жас ұстаз: табысқа апарар жол» атты аймақтық слет ұйымдастырылды.

Іс-шараның басты тақырыбы – оқушылардың әл-ауқатын қамтамасыз ету. Бағдарлама аясында педагог-психологтар оқушылардың психологиялық денсаулығын қолдауға бағытталған практикалық әдістерімен бөлісті. Жас пән мұғалімдері оқушылардың оқу үдерісіне қызығушылығын арттыру мақсатында жасанды интеллект, виртуалды және толықтырылған шындық технологияларын қолдану секілді заманауи оқыту тәсілдерін таныстырды.

Іс-шараның соңында барлық қатысушыларға сертификаттар табысталды.